पैसे काढण्यासाठी तरुणाकडे मागितली मदत, त्यानंतर महिलेसोबत असे काही घडले की…

Advertisement

धनबाद: अनोळखी व्यक्तीकडून मदत मागताना सावधानी बाळगली पाहिजे अन्यथा फार महागात पडू शकते. आर्थिक व्यवहार करताना या गोष्टीची फार काळजी घ्यावी लागते. आरबीआय स्वतःच्या एटीएम कार्डचे पिन किंवा बँकेशी निगडीत इतर माहिती कोणालाही सांगू नये यासाठी नेहमी जनजागृती करत असते. आर्थिक व्यवहारात फसवणूक होण्याचे प्रमाण खूप जास्त असल्याने बँक ग्राहकांना काळजी घेण्याच्या सूचना करते. मात्र, तरीही काही लोक या सूचना पाळत नाहीत.

झारखंड राज्यातील धनबादमध्ये एका महिलेने एटीएम मधून पैसे काढण्यासाठी एका तरुणाला मदत मागितली. त्यावेळी त्या तरुणाने त्या महिलेचे एटीएम बदलले. त्याने महिलेचे एटीएम स्वतःजवळ ठेवले. महिला घरी परत गेली तेव्हा तिला धक्काच बसला. कारण तिच्या पतीच्या मोबाइल वर तिच्या खात्यातून 4,000 रुपये काढल्याचा SMS आला. नंतर महिलेने लगेच बँकेत जाऊन ते एटीएम कार्ड ब्लॉक करवून घेतले. त्यांनी हरीहरपूर पोलिस ठाण्यात याबाबत तक्रार दाखल केली आहे. आरोपीचा शोध घेण्यासाठी पोलिस सीसीटीव्ही कॅमेराचे फुटेज तपासत आहेत.

See also  शिल्पा शेट्टीच्या अडचणी काही थांबण्याच्या नाव घेईनात; आता 'या' संस्थेने केली मोठी कारवाई, ऐकून धक्का बसेल
Advertisement

प्राप्त महितीनुसार, पीडित महिलेचे सोनीदेवी गोमो असून, त्या जुन्या बाजारात असलेल्या एचडीएफसी बँकेच्या एटीएम मधून पैसे काढण्यासाठी गेल्या होत्या. या दरम्यान त्यांनी पैसे काढता येत नसल्याने तिथे उपस्थित एका तरुणाला मदत मागितली. त्या तरुणाने महिलेला पैसे काढण्याची प्रक्रिया समजावली. महिलेने 4000 रुपये काढले व पैसे घेऊन घरी गेली. यावेळी त्या तरुणाने महिलेचे कार्ड बदलले होते.

सोनादेवीने पोलिसांना दिलेल्या माहितीनुसार, पैसे काढून घरी गेल्यानंतर तिच्या पतीच्या मोबाईलवर पुन्हा 4,000 रुपये काढल्याचा मेसेज आला आणि 300 रुपयाचे पेट्रोल भरल्याचा मेसेज आला. पतीने महिलेला या व्यवहाराबद्दल विचारले असता महिला स्तब्ध झाली. तिला याविषयी काहीच माहिती नव्हते. त्रासलेल्या पीडित महिला घाईघाईत बँकेत पोहोचली आणि बँक कर्मचार्‍यांना संपूर्ण घटना सांगितली. त्यानंतर बँकेने तिचे एटीएम कार्ड लॉक केले.

See also  अभिनेत्री राखी सावंत आहे तब्बल एवढ्या संपत्तीची मालकीण, रक्कम ऐकून डोळे पांढरे होतील...
Advertisement

यानंतर महिलेने हरिहरपूर पोलिस ठाणे गाठून याबाबत फिर्याद दाखल केली. पोलिस आरोपी तरुणाच्या शोधात आहेत. पोलिसांनी दिलेल्या माहितीनुसार, आरोपीला पैसे काढताना महिलेचा पिन नंबर माहित झाला. नंतर त्याने महिलेला बोलण्यात गोंधळवून तिचे एटीएम कार्ड बदलले आणि नंतर पैसे काढून घेतले.

Advertisement

Leave a Comment

close